Pièces justificatives des dépenses.

Comptabilité. - Pièces justificatives des dépenses effectuées par Charles de la Bessée, trésorier général de la ville de Lyon. - Payement - Pièce N° 26 -" des confitures, dragées et autres choses fournies par Claude Raisonnier, marchant apoticaire, desquelles a esté faict don et présent de par la ville à messeigneurs de Bourges et premier président de Paris, en faveur des plaisirs qu'ilz ont faict à ladicte ville, " - 26 avril 1529 Pièce N° 25 -" de six tasses d'argent à pyé, dorées, pesant dix-huit marcs, une once, seize deniers, et pour deux esguières modernes à manche carré, dorées au bort, pyé et millieu, pesant six marcs, deux onces, deux deniers, qu'est en tout XXIII marcs III onces XVIII deniers, montant, à raison de seize livres tournois le marc, ladicte somme IIIc IIIIxx XI l. X st., desquelles tasces et esguières a esté fait don et présent de par la ville au seigneur Pomponio de Trivolce, lieutenant pour le roy au gouvernement de ceste ville et pays de Lyonnois ; " - Pièce N° 24 -" parties de dragées et confitures prinses de Claude Raisonnier, espicier, et données par ordonnance du consulat à messire Claude Bellièvre, docteur, aussi conseiller, estant pour lors détenu en malladie, pour aucunement le consoler de sa dicte maladie ; " - Pièce N° 23 -" despences de bouche faicte par Gabriel de Russy, armurier du roy, roy de la colovrine, aux acquebutiers pour le service de la ville par le commandement de messieurs les conseillers de Lyon. " - Pièce N° 22 -" Despence (de bouche) faicte pendant le temps de l'audition des comptes généraulx de la ville et communaulté de Lyon, renduz par monsieur le trésorier de la Bessée, de l'année finie le derrenier jour de septembre MVc vingt-huit. " - depuis le 26 avril 1529 Pièce N° 21 -" Rolle et parties de despence de bouche faicte par messieurs les conseillers de Lyon et avec eulx les notables esleuz pour coadjuteurs au consulat, laquelle despence a esté faicte par plusieurs foys pour desjeuner, disner de plusieurs jours depuis le XXV d'avril MVc vingt neuf, tant en l'ostel commun, Roanne, que autre part, où ilz s'assembloient et assistoient journellement, pour donner ordre aux gros affaires de ladicte ville, soit pour faire assembler messieurs les gouverneur, gens de justice, pour donner ordre à prendre et faire emprisonner ceulx qui fesoient l'esmocion et saccagement en ceste ville le XXVe d'avril, pour donner ordre à l'affaire des blez que autrement. " - Pièce N° 20 - Payement à Pierre Bernod et Claude Deschamps, de " dix-huit symaises vin blanc et clairet viel, donné et présenté de par la ville à monsr de Saint-André, bailly de Beaujoloys, affin qu'il eut la ville pour recommandée au fait de la traicte des blez du pays de Dombes, et de douze perdriz, dont huit baillées à messieurs de la primace Hugues du Puy et receveur Symon Caille, au mois d'octobre dernier, qu'ilz alloient par devers monsr le président de Daulphiné, de par la ville, à Veychillieu, sa seigneurie, où il estoit pour le prier faire assembler les Estats dudit pays, et le prier soy y trouver, pour donner ordre à la traicte de Vc asnées de blé, que le roy avoit permis tirer dudit pays pour la fourniture de ceste ville, et les autres quatre perdriz aux secrétaire soubz signé et trésorier de la ville, qui alloient à Charly par devers monseigneur de Belmont, pour le prier souffrir que du mandement de sa baronnie de Malaval l'on puisse amener en ceste dite ville des blez, mesmement une quantité qui appartenoit à madame de Luppé." - Pièce N° 19 - Payement " faict à Claude Deschamps et Cristofle Cocte de ce que leur est du pour les présents faitz à messieurs les esleuz de Lyonnois, assavoir sieurs Anthoyne Grolier, Claude de Vignolx, Pierre Cholet et me Aymard de Beaujeu, leur lieutenant, aux estraynes de Noël MVc vingt-neuf, affin qu'ilz aient en bonne et briefve justice les procès et affaires de la ville pour recommandez, mesmement le fait des impositions, aydes et gabelles, que messieurs les conseillers tiennent à ferme du roy nostre sire. " - Pièce N° 18 -" Parties de vin deues par messieurs les conseillers de la ville de Lion au nom de la communaulté, lequel a esté donné et présenté de par la ville tant à messieurs de Botières, prévot de l'ostel, pendant le temps qu'il a séjourné en ceste ville, où il avoit esté envoyé par le roy nostre sire, pour faire pugnition de ceulx qui feirent la sédition et saccagement de ceste dicte ville, au seigneur de la Fayete, monsr de Maugiron, lieutenant au gouvernement de Daulphiné, monsr de la Chaulx, ambassadeur de l'esleu empereur pendant le temps que iceulx seigneurs ont esté et séjourné en icelle ville ; - 1529 Pièce N° 17 - despence faicte pour avoir. fait cryer la paix en ceste ville de Lyon, faicte et traictée entre le roy, nostre sire, le saint père le pape, l'empereur, le roy d'Angleterre et le roy d'Ongrie, publiée le samedy XXVIIIe d'aoust MVc vingt-neuf et pour avoir fait les feuz de joyes le lendemain sur le pont de Saonne et devant l'ostel commun. " - Pièce N° 16 - Payement à Pierre Manissier, citoien de Lyon " de deux flacons d'argent par luy achaptez à Paris de Boudayne, geollier, pesant seize marcz une once et demye, au pris de quinze livres, cinq solz le marc, montant ladicte somme de 250 l. t. pour d'iceulx faire don et présent à monsieur de Loges, à cause des blez qu'il a permis venir de Bourgogne en ceste ville. " - Pièce N° 15 - Payement " des ouvriers qui ont vacqué à faire ung tournevant à l'hostel commun de la ville et rabiller les greniers de blé de la ville, c'est assavoir les deux greniers de Saint-Vincent et le grenier du poix des farines, et y faire fenestres et autres choses nécessaires. " - Pièce N° 14 - Mandat de payement pour le trésorier de la ville Charles de la Bessée, qui demandait à " estre récompensé de ce que du voyage dont il fut dépesché pour aller en court, où fut avoué après par le consulat qu'il n'y irait point, à cause de diligense, achaptz de chevaulx et habillemens qu'il feist, ensemble du prest d'une sienne mulle, qui fut par luy prestée au sire Hugues de la Porte, depputé pour aller en court de par ladicte ville, où elle a demeuré deux moys et demy entiers." - Pièce N° 12 -"Parties de despence faicte pour la mulle achaptée par ordonnance des conseillers, laquelle fut baillée à me Claude Gravier, secrétaire de ladicte ville pour faire ung voyaige en court, laquelle mulle, au retour dudict secrétaire fut myse en l'ostellerie aux dépens de ladicte ville. " - Pièce N° 11 -" Parties des fraiz, journées et vaccations faictz par Charles de la Bessée, trésorier et receveur général de la ville et communaulté de Lyon, au voyaige qu'il a faict de Lyon à Paris et St-Germain-en-Laye, où estoyt la court, où il a esté envoyé en poste et diligense par messieurs les conseillers pour certaines affaires... " - Pièce N° 6, 7 - Frais de séjour à Paris de mr Laurencin, seigneur de Riverie député de la ville en janvier, février et mars 1529 (n st.). - Pièce N° 4 - Frais de voyage faits par Guichard David par ordonnance du Consulat, " à la poursuite des blez et pour acouster l'artillerie, par " Catherin " pour la traicte des blez. " - Pièce N° 1 -" Compte de Théolde Levyn, marchant citoyen de Lyon des fraiz et dépences, faictz et fourniz en ung voyaige par luy faict de ladicte ville de Lion à Amboyse, où estoit le roy, auquel lieu il fut envoyé par messieurs les conseillers pour avoir et obtenir traicte des blez des pays de Fourest, Vellay, Vivaroys et Daulphiné, à cause de la nécessité qui en estoit en icelle ville. "

Microfilmé en 2 Mi 48