Pièces justificatives des dépenses.

Comptabilité. - Pièces justificatives des dépenses effectuées par Jacques Coulaud, commis à là recette des deniers communs. - Pièce N° 2, 6 -" Quittances des propriétaires, qui avoient bancs en la vieille boucherie Saint-Nizier, pour les termes Noël MVc XLI, et Saint-Jehan MVc XLII. " " Fraiz et vacations du prévost de la cour ordinaire de Lion, son lieutenant ; et offciers, sergens de ladite court, tant pour avoir fait commandement à tous les bouchers, qui vendoient chair en la nouvelle boucherie de la Lenterne, puis ung an, qu'ilz eussent a continuer y vendre, et non ailleurs, car la voulloient délaisser, comme ilz se faisoient oyr, et aller autre part à leur plaisir, sans leur ordre de boucherie, qui eust rendu la nouvelle boucherie inutille, laquelle a été faicte par permission du Roy ; aussi pour avoir faict le guet de nuyt par ledit prévost et ses officiers, l'espasse de six jours ou environ, à l'entour de la vielle boucherie Saint-Nizier, qu'avoit esté desmolie et rendue en place, puis ung an, faisant laquelle desmolition, ceulx qui avoient maisons à l'entour, avoient promis de bouche, qu'ilz feroient récompense, telle que de raison, pour leur comodité au moyen de ladicte desmolition et place, mais ne le pouvoient savoir jusqu'à ce ; depuis lequel temps, ils auroient esté plusieurs foys requis de ce faire, ce qu'ilz auroient différé, et n'y voulloient entendre, au moyen de quoy auroit esté ordonné, avec l'adviz de messieurs les gens de justice, rebastir ladicte place, et pour ce dressé, à cause que l'année venoit à expirer de ladicte desmolition, certaines engardes de boiz apposez, contenant le circuy d'icelle vielle boucherie, pour raison que les deniers de la ville et communaulté estoient chargez de payer environ IIIc livres par an aux propriétaires, qui avoient bancs et estaulx en ladicte boucherie, pour icelle bastir en autres usaiges que de boucherie, y faire boticques servans pour vendre marchandises autres que chair, pour en tirer revenu, duquel on puisse payer les propriétaires, suivant l'acord fait avec eulx, lesquelz bastimens ainsi encommancez, aucun, comme le bruit estoit, mesmes que prenoient comodité en ladicte place, s'estoient fait oyr de l'abattre, et de fait sans ledit guet, furent trouvez aucuns sur le fait que abattaient ; que aussi, pour faire aller tous poillalliers, et revendeurs, que vendoient en place et empeschoient le passaige devant St-Nizier, aux places ordonnées devant ladicte boucherie nouvelle. " - Pièce N° 7 - Payement des " charpentiers, maçons, maneuvres et autres, à raison de VI s. par jour, et de V s. par nuit de charpentier, de VI s. par journée de maçons et de V s. par journée de maneuvres, qui ont faict de mourtier, aussi dépavé ladicte plasse, osté les terres et nestyé les fondassions et servy les massons. - Pièce N° 10 -" Rolle de despense pour rebastir et réédifier les boticques en la place de la vielle boucherie, près St-Nizier, pour icelles louer, y venir vendre marchandises et denrées honnestes, autres que en usage de boucherie, au proffit de la communaulté, et pour en survenir et acquitter les pensions accourdées et deues aux propriétaires des vielz estaux, et boctiques abattues, moyennant lesquelles pensions iceulx propriétaires vendirent et remirent à ladicte communaulté leurdictz estauditz et boticques, de laquelle despense, tant journées que achapt de matières, honorable homme Berthelemy Fayet et Gonin de Bourg, conseillers, à ce commis par le Consullat, aussi Humbert Paris, commis à la conduicte des ouvraiges de ladicte communaulté, ont tenu compte, commençant ladicte despense à sercher les fondations desdictes vielles boticques et estauditz, et à dresser et escarrir les boys et faire les engardes dès le IXe novembre MVc quarante ung. " - Pièce N° 11 -" Roolles et parties de. despence pour ouvraiges nécessaires, faictes en la nouvelle boucherye de la Lanterne, tant pour avoir faict tout le tour et long des couvertz, des bancs et estaulx de ladicte boucherie, chanées et gargolles, le tout de feuilles de fer blanc, pour recevoir et conduire les eaues pluvyales, y apposer crochetz de fer pour le soustènement desdictes chanées, parrachever, recouvrir le tènement d'icelle bocherye, racoustrer le pavey, à cause des eaues distillans par cornetz desdictes chanées. " - Pièce N° 18 -" Rolles payés pour faire carrouer les boticques nouvellement édiffez cn la place où estoit par cy-devant la vielle bocherye de Saint-Nizier, que pour mectre de terre pour remplir ladicte place et boticques ; " - Pièce N° 19 - pour " les serrures et ferrures faictes par la veufve Pierre Filloul, et boticques nouvellement faictes en la place, ou soulloit estre la boucherie St-Nizier. " - Pièce N° 20 - Payement à Simonde de Lorme " marchande de toilles, demeurant prés Saint Pierre les Nonnayns, de deux pièces toille bourraz, pour faire des tantes aux bancz de la nouvelle boucherie sur les fossez de la Lanterne, où le soleil frappe si fort que la cher ni les bouchers n'y peuvent comodément demeurer ; " - Pièce N° 22 - Jehan Esmard, " marchant allement, demourant à Lion, de deux cent feuilles fert blanc, renforcés pour faire partie des chanées et gargolles. " - Pièce N° 24 - Payement de Raymond Orgelet, sergent, pour contrainte exercée envers " les redevables, mesmes les bouchers, que devoient le louaige des bancs en la boucherie de la Lenterne ; - Pièce N° 25 - de Me Mathieu Chomat, clerc du greffe criminel, pour son vin, d'avoir assisté avec Julliens Bougière et Jean Amable, sergens ordinaires, pour faire commandement aux bouchers supernuméraires, qui vendaient chair en la rue tendant du Puys Pellu à l'Hospital, aller vendre et eulx retirer à la grand nouvelle boucherie ; ". - Pièce N° 26 - de Pierre Fourrier, " pour avoir gardé les clefz de la grant novelle bocherie de la Lenterne, ouvrir et fermer seoir et matin. " - Pièce N° 27, 28 -" Contribution de Me André Blondel, secrétaire de Mgr, le Daulphin, duc de Bretagne, à cause de l'esloignement de la rue du Ganyvet, allant au grant port de Roanne, estant vis à vis de derrière de la maison dudit Blondet ; de Pierre Robyn, pelletier, Thomas Brully, sellier, l'esleu Pierre Cholet, à l'indemnité due à M. le président Patherin, " pour avoir retiré sa maison du port Roanne pour l'eslargissement de la rue, affin que les charretes y puissent passer. "

Microfilmé en 2 Mi 48