Comptabilité communale (1559 - 1560). Pièces justificatives des dépenses de François Coulaud. Travaux publics.

Comptabilité. - Pièces justificatives des dépenses effectuées par Françoys Coulaud, receveur des deniers communs. - Travaux publics : " rolle de despence faicte par Claude et Anthoine Sibillon, pavisseurs et consortz, pour avoir faict le pavey en divers lieux, tant en places que au devant des maisons appartenans à la ville ; par Claude Gravil, - Pièce N° 25, 26 - " pour avoir envoyé Claude Faure, pavisseur, en Montelleymar, quérir des aultres pavisseurs, pour la nécessité qu'il en avoit en ceste ville, pour ce qu'il a forny et baillié à plusieurs foys aux sergens de l'ordinayre, pour ce qu'ilz ont assisté à diverses foys ès places et portz pour la pollisce, et les faire vuyder et netoyer ; pour avoir faict gecter du femyer au Rosne, qui estoit dans le bot de la plasse des Cordedyers ; pour ce qu'il a payé et forni à deux charretiers qui ont menné du bois à l'ospital du Pont du Rosne, lequel boys empeschoit en la dicte plasse ; pour ce qu'il a payé à cinq gaigne-deniers, qui ont vacqué à nethoyer le Port Neuf, à la venue du prince de Savoye ; pour ce qu'il a forni et livré à maistre Pierre de Poytiers, maistre masson, de Lyon, pour avoir esté au pont du Rosne, visiter les arcs, pilles et fondacions du pont du Rosne, pour ce qu'il a forny aux massons qui travaillent et massonnent au pont du Rosne, et pour estre à plusicurs foys allé voyr et visiter à la fonteyne Sainte-Catherine. " - Pièce N° 24 -" Rolle de despence des réparacions faictes en la grand boucherie Lenterne, au moys de mars MVc LIX avant Pasques, et avril ensuivant, tant pour faire recouvrir que pour rabiller les chanées des couverts, au feur de 7 solz, par journée de recouvreur, journées de pavisseurs pour faire paver, faict faire huict caves, voultées pierre, et plusieurs bancz et estaulx boys chasne, et aultres menues réparations. " - Pièce N° 23 -" Rolle de despence faicte au moys de décembre mil cinq cens cinquante-neuf, pour avoir faict couvrir sus les maisons appartenans à l'ostel commun de ceste ville de Lyon, sur les vielz fossez près la Lenterne, et sur une partie de la grand boucherie, estant sur lesdits vielz fossez, sus partye des couverts de l'hostel commun, sus les couvertz de la grand'porte et corps de garde de Saint-Sébastien, où sont à présent les gardes, et aussi faire rabiller les cronetz et chanaulx qui sont pour conduyre l'eau de la grand'boucherie, qui sont de fer blanc, lesquelles estoient rompues en plusieurs lieux. " - Pièce N° 22 -" Rolle de despence pour plusieurs réparations faictes au moys d'avril mil cinq cens soixante, es maisons appartenans à ladicte ville, estant tant sur les fossez Lanterne que aultres lieux en ladicte ville, " comme la porte des Farges, " et " le barraige du pont du Rosne. " - Pièce N° 10 à 21 -" Mandement de Me Estienne Genin, Claude Collet, maistres charpentiers, et Pierre Faure, maistre masson, prix facteurs du pont de boys du pont du Rosne, en pierre, et par arcz, suivant les portraictz, qui sur ce ont esté faictz et dressez. " - Pièce N° 6 à 9 - Mandat de " Pernette de la Chanal, vefve de feu Anthoyne Guichard, Anthoyne et Jehan Guichard, ses enfants, de Françoys Maguinet, de Pierre Poillard, dict le Saige, pouldrier du Roy et Jane Michalle, sa femme, tuteurs et administrateurs des personnes et biens des enfants et héritiers feu Jehan Molle, en son vivant orfèvre dudict Lyon, pour troys maisons qui sont assizes au bout du pont du Rosne, nouvellement construict et édiffié de pierre, lesquelles maisons il convient abattre et desmollir pour parachever ledit pont pour la beauté et décoration d'icelluy et le rendre plus fort, et encore pour le passaige de ceux qui passent pardessus suyvant l'adviz de maistres massons et charpentiers de ladicte ville. " - Pièce N° 5 -" Mandement de Pierre Poyre et compaignons manoeuvres, pour soixante-dix-sept toyses de terre qu'ils ont faict et parfaict, tant pour faire la plateforme de grand estandue au pied du pont du Rosne du cousté de la Guillotière, à la sortye et descente dudit pont, que pour faire ung grand fossé, puys ledit pont jusques à la brassière des plessières, estant au-dessoubz dudit pont et autres chavez pour icelluy pont. " - Pièce N° 4 -" Rolle de despence, faicte au moys de septembre mil cinq cens soixante, pour avoir fait combler et applanir les fossez qui estoient autour des pilles des arcs dudit pont, de nouveau faictz du cousté de la Guillotière, que aussi pour faire commencer de amener cailloux pour pavir au bout dudit pont dudit cousté, autour des elles, qui est l'entrée ; " - Pièce N° 3 -" pour faire continuer d'amener des cailloux, pour pavir sur le bout du pont du Rosne et faire rompre la muraille et fondations du petit arc vieulx, ensemble des maisons qui ont esté abattues pour la commodité du public, pour faire le pont neuf, lesquelles fondations empeschoient à planter les calloux pour paver ; " - Pièce N° 2 -" pour continuer de faire rompre les murailles qui estoient des fondations des deux maisons, que on a fait rompre au bout du pont du Rosne, du cousté de la Guillotière, que pour hoster ou mectre de terre devant les pavisseurs qui font le pavé au bout dudit pont ; fait venir et charrier des cailloux et du gravier pour mectre au méchant chemin, qui est au bout dudit pont et allentour, où chevaux, charrètes et gens ne pouvoyent passer, pour la grand fondrée et bourbes qui y estoient ; aussi pour remuer et anniveler les terres devant les pavisseurs. "

Microfilmé en 2 Mi 48